
डिजिटल दंतचिकित्सा परिषद १९ नोव्हेंबर रोजी पुण्यात सुरू होणार
बातमी थोडक्यात
भारतीय डिजिटल दंतचिकित्सा संस्थेच्या वतीने १९ ते २१ नोव्हेंबर २०२६ या कालावधीत तिसरी आंतरराष्ट्रीय परिषद पुण्यात होणार असून, या परिषदेचा उद्देश डिजिटल दंतचिकित्सेला प्रोत्साहन देणे आणि उद्योग क्षेत्रातील तज्ज्ञांना एकत्र आणणे हा आहे. बालेवाडी येथील हॉटेल ऑर्किडमध्ये होणाऱ्या या परिषदेत देश-विदेशातील ६०० ते ७०० दंतचिकित्सक सहभागी होणार आहेत. राज्याचे उच्च व तंत्रशिक्षण मंत्री चंद्रकांत पाटील यांच्या हस्ते २० नोव्हेंबर रोजी या परिषदेचे उद्घाटन होणार आहे. तीनही दिवस चर्चासत्रे आणि प्रात्यक्षिके होणार असून, विविध दंतचिकित्सा उपचार व उपकरणांबाबत तज्ज्ञांकडून मार्गदर्शन मिळणार आहे.