
दुष्काळामुळे पुणे महाप्रदक्षीणा सायकल स्पर्धेचा फेरविचार करण्याची मागणी माजी आमदाराची
बातमी थोडक्यात
दुष्काळामुळे पुणे महाप्रदक्षीणा सायकल स्पर्धेचा फेरविचार करण्याची मागणी काँग्रेसचे माजी आमदार मोहन जोशी यांनी केली आहे. जानेवारीच्या अखेरच्या आठवड्यात आयोजित करण्यात आलेली ही स्पर्धा पुणे शहर व जिल्ह्यातील काही भागात एकूण ६२७ कोटी २२ लाख रुपये निधीतून होणार आहे. राज्य सरकारने रस्त्यांच्या कामांसाठी ५२५ कोटी रुपयांच्या निविदा मंजूर केल्या आहेत. उपलब्ध आर्थिक साधनसंपत्ती आणि पुणे जिल्ह्यातील नागरिकांना भेडसावणाऱ्या मूलभूत समस्यांमुळे एकाच स्पर्धेवर शेकडो कोटी खर्च करण्याच्या प्राधान्याबाबत महत्त्वाचे प्रश्न उपस्थित झाले आहेत. यात होणारा खर्च व त्याचे फायदे याबद्दल जनतेचे वस्तुनिष्ठ मूल्यमापन व्हायला हवे.