
पुणे महापालिका शाळांना मिळणार २ कोटी रुपयांचा सीसीटीव्ही विस्तार
बातमी थोडक्यात
पुणे महापालिकेच्या शाळांमध्ये सीसीटीव्हीच्या देखरेखीचा विस्तार करण्यासाठी २ कोटी रुपयांच्या प्रकल्पाला मंजुरी देण्यात आली. या प्रकल्पात अतिरिक्त कॅमेरे बसवणे, विद्युत जोडणी करणे आणि नेटवर्क प्रणाली बसवणे इत्यादी कामे केली जाणार आहेत. विद्यार्थ्यांच्या सुरक्षेसाठी हा विस्तार करण्यात येणार असल्याचे स्थायी समितीचे अध्यक्ष श्रीनाथ भिमले यांनी सांगितले. सर्वात कमी बोली लावणाऱ्या आयसिक्युअर आयटी प्रायव्हेट लिमिटेड या कंपनीला हे काम दिले असून आठ महिन्यांत हा प्रकल्प पूर्ण होणार आहे.