
चंद्रपूर शेतकऱ्यांना रब्बी हंगामासाठी कमी पाणी लागणाऱ्या पिकांची लागवड करण्याचा सल्ला
बातमी थोडक्यात
चंद्रपूर जिल्ह्यात यंदा पावसाचे प्रमाण सरासरीच्या ६१.९१ टक्के म्हणजे ७०० मिलीमीटर इतकेच झाले आहे. त्यामुळे यावर्षी पावसाची मोठी तूट आहे. रब्बी हंगामासाठी शेतकऱ्यांनी कमी पाणी लागणाऱ्या हरभरा, करडई या पिकांची लागवड करावी, असे आवाहन कृषी विभागाने केले आहे. जमिनीतील ओलावा कमी झाला असून सिंचनाचे पाणीही कमी आहे. त्यामुळे पिकांचे नुकसान होऊ नये यासाठी नियोजन करणे गरजेचे आहे. पेरणी करण्यापूर्वी शेतकऱ्यांनी स्थानिक कृषी अधिकाऱ्यांचा सल्ला घ्यावा.