
महाराष्ट्र शासनाकडून शूर अधिकाऱ्यांना शौर्य पदकाने सन्मानित
बातमी थोडक्यात
'मुख्यमंत्री शौर्य पदक' देऊन धाडसी कामगिरी करणाऱ्या पोलीस अधिकाऱ्यांचा गौरव करण्यासाठी महाराष्ट्र शासनाने योजना मंजूर केली आहे. मुख्यमंत्री देवेंद्र फडणवीस यांच्या अध्यक्षतेखाली झालेल्या मंत्रिमंडळाच्या बैठकीत मंजूर झालेल्या या योजनेअंतर्गत पोलीस अधिकाऱ्यांना ५० हजार रुपये रोख, पदक आणि प्रशस्तिपत्र देऊन गौरविण्यात येणार आहे. कर्तव्य बजावत असताना मृत्यू पावलेल्या पोलीस अधिकाऱ्यांना मरणोत्तर पुरस्कारही देण्यात येणार आहेत. दरवर्षी १ मे रोजी महाराष्ट्र दिनी पुरस्कारांची घोषणा करण्यात येणार आहे.