
बारामती, पंढरपूर, दापोली आणि नागपूर ग्रामीण येथे ४ नवीन जिल्हाधिकारी कार्यालये स्थापन होणार
बातमी थोडक्यात
बारामती, पंढरपूर, दापोली आणि नागपूर ग्रामीण येथे अतिरिक्त जिल्हाधिकारी कार्यालयासह नवीन प्रशासकीय विभाग सुरू करणार असल्याची घोषणा महसूल मंत्री चंद्रशेखर बावनकुळे यांनी केली. आता सात तालुक्यांच्या नागरिकांना प्रशासकीय कामासाठी सोलापूरला जावे लागणार नाही. पंढरपूर कार्यालयातूनच नागरिकांची कामे होणार आहेत. गडचिरोली जिल्ह्यातील सहा तालुक्यांमध्ये अतिरिक्त तहसीलदार कार्यालयेही कार्यान्वित होणार असून नागरिकांवरील प्रशासकीय कामाचा भार हलका होणार आहे. तसेच नागरिकांचा वेळही वाचणार आहे.