
पनवेल वडाळे तलाव होणार तणमुक्त
बातमी थोडक्यात
पनवेलच्या वडाळे तलावातील आक्रमक तणांची जैविक नियंत्रण मोहिमेद्वारे साफसफाई करण्यात येत आहे. पनवेल महानगरपालिका व आयसीएआर- तण संशोधन संचालनालयाच्या नेतृत्वाखाली दोन टप्प्यात ७० हजार सायर्टोबॅगस साल्विनी कीटक सोडण्यात आले आहेत. पहिल्या टप्प्यात २० हजार कीटकांची प्रभावीपणे पुनरुत्पत्ती झाली, तर दुसऱ्या टप्प्यात ५० हजार कीटकांची भर घालून प्रक्रिया गतिमान करण्यात आली. या प्रकल्पाचा उद्देश तलावाचा नैसर्गिक समतोल पूर्ववत करणे आणि स्थलांतरित पक्ष्यांसाठी अधिवास सुधारणे आहे.