
ऊस विकासामध्ये सह्याद्री साखर कारखान्याला सन्मान
बातमी थोडक्यात
यशवंतनगर येथील सह्याद्री सहकारी साखर कारखान्याला ऊस विकास कामगिरीसाठी राष्ट्रीय सन्मान मिळाला असून, उच्च साखर उत्पादन क्षेत्रातील २०२४-२५ या हंगामातील तिसरा सर्वोत्कृष्ट पुरस्कार मिळाला आहे. राष्ट्रीय सहकारी साखर कारखाना महासंघाच्या वतीने देण्यात येणारा हा पुरस्कार २२ सप्टेंबर रोजी नवी दिल्ली येथील डॉ. बाबासाहेब आंबेडकर आंतरराष्ट्रीय केंद्रात प्रदान करण्यात येणार आहे. कार्यकारी संचालक विश्वजित शिंदे यांनी पुरस्कारपत्र मिळाल्याची माहिती दिली.